For the Victory at Agincourt

Owre kynge went forth to Normandy,
With grace and myyt of chivalry;
The God for hym wrouyt marvelously,
Wherefore Englonde may calle, and cry
Deo gratias:
Deo gratias Anglia redde pro victoria.

He sette a sege, the sothe for to say,
To Harflue toune with ryal aray;
That toune he wan, and made a fray,
That Fraunce shall rywe tyl domes day.
Deo gratias, &c.

Then went owre kynge, with alle his oste,
Thorowe Fraunce for all the Frenshe boste;
He spared 'for' drede of leste, ne most,
Tyl he come to Agincourt coste.
Deo gratias, &c.

Than for sothe that knyyt comely
In Agincourt feld he fauyt manly
Thorow grace of God most myyty
He had bothe the felde, and the victory
Deo gratias, &c.

Ther dukys, and erlys, lorde and barone,
Were take, and slayne, and that wel sone,
And some were ledde in to Lundone
With joye, and merthe, and grete renone
Deo gratias, &c.

Noe gratious God he save owre kynge,
His peple, and all his wel wyllynge,
Gef him gode lyfe, and gode endynge,
That we with merth mowe savely syng
Deo gratias, &c.

There are a number of "traditional" tunes.  The truly perverted sing it to the tune of "The Banana Boat Song (Day-O)" (Hey, it fits!).

Copyright © 1999, Agincourt Computing.
All rights reserved.  See the legal stuff for details.

Last updated